Qalandar Pak (RA)



Is se pehlay keh Qalandar Pak (RA) ki shakhsi aur rohani zindagi ke mukhtalif pehluon par roshni daali jaye, main yeh baat zarori samjhta hon ke App (RA) ki paidaiesh, visaal, Urs aur waarsat ke hawalay se mojood chand be bunyaad uljhano aur ghalat fehmiyon ko dur kar dun, taakay woh tamam log jo apke Faiz se mustafeed hotay hain aur aap ke baaray main janna chahtay hain woh kisi bhi uljan ka shikaar hue baghair haqeeqat se roshnaas ho saken aur Qalandar Pak Rehma Tullah Aleh ke pegham ko aik tasalsul se dukhi insaaniyat tak pohanchayen.

Yaad rakhen!

Qalandar Pak se mohabbat ka wahid aur mazboot rasta sirf aur sirf unn ke pegham ko be gharz ho kar dukhi insaaniyat tak pahunchana hai.

Paidayesh Qalandar Pak Baba Bukhari(RA)

Qalandar Pak (RA) almarof Kakian Wali Sarkar ka asal naam Syed Safdar Hussain Bukhari hai. Aap 6 May 1940 28-Rabi al-awwal 1359 Hijri baroz (pir-Monday) Dhadi thal, tehseel panddadn Khan , zila jehlum ke aik mtmol Syed gharane main peida hue. Aap Bukhari Sadaat se hain aur silsila-e-nasb kayi waston se Hazrat Makhdoom Jalal uddin Jahan Gasht Suherwerdi almarof Makhdum Jahanian se ja milta hai. Aap -apne walidain ke aklote betay thay aur unhon ne Aap ki parwarish nihayat tavajja aur mohabbat se ki. Ibtidayi taleem -apne gaon ke aik school se haasil karne ke baad Garden college Rawalpindi se farigh altehsil hue. Aap ke waalid bzrgwar syed Gulzaar Hussain Bukhari Marhoom aik darwaish sift insaan thay aur unhon ne apni zindagi ka bara hissa mashhoor buzurag Hazrat syed Sheir Ali Shah Qalandar ki iradat main guzaraa, aur unkay parda karne ke bad aik taweel arsa hazrat Qalandar ki bargaah waqay qatal garhi zila qasoor mein jaroob kashi ki aur mazaar ki dekh bhaal se le kar zaireen ki khidmat main masroof amal rahay. Aapko -apne Murshid se walehana aqeedat o mohabbat thi jiska izhar Ap hamesha mere se honay wali mulakaton main zaroor karte. Aik din doranِ guftugu Shah sahib ne hamaray Baba jee ki awayel umri mein bukhaar ki shiddat aur uske tasalsul ke waqay ka zikar karte huye farmaya "main betay ko bemari ke aalam main Qalandar Pak syed Sher Ali Shah ki khidmat main le gaya to Aap ne far-te- mohabbat se aik nigah daali to bete ka bukhaar utar gaya aur na sirf mere bete ko is aarzay se nijaat mili balkay Qalandar mohtaram Sher Ali Shah aap ko dekh kar be had muskuraye". agay chal kar jab Baba Bukhari musnad-e-Wilayat pay Fayez hue to yeh baat paya saboot ko pohanchi ke aulia Allah ki nazar mqdraat-e-Ellahi ki amin hoti hai.

Urs Mubarik

Ap ka Urs har saal 5,6,7 February ko hi hwa kere ga. Yom visale ke hawalay se ghusal ki pehli taqreeb 26 se 29 zulhijja ke darmian kisi bhi din munaqqid hogi jabkay ghusal mubarak ki doosri taqreeb 5 feb ko hwa kere gi aur yun ab har saal ghusal mubarak ki tqarib aur uras mubarak unhi muqarar qarda tarikhon main munaqqid hota hai, jo aap yeh chand tasaweer main dekh kar un purwaqar aur khoobsurat taqarib ke husn ka andaza laga sakee hain .


URS 2019

URS 2018

( Tehreer Waris-e- Qalandar Syed Baba Jee )

Yeh audio sufi Qalandar Pak Rehma Tullah Aleh ka poori insaniyat ke liye pegham hai jis main har tarhan ki zehni, jismani aur rohani uljhano aur bimarion ka ilaaj hai. Jab hum insaaniyat ki zikar karte hain to hum sab mazahab se baala tar ho kar baat karte hain. Is pegham ka maqsad kisi terhan se aap ke mazahab ko badalna nahi hai aur na-hi is pegham ke zariye koi aap ko mazhab ki taraf raghib kar raha hai. Yeh baat bohat ahem hai ke yeh pegham duniya ke har dukhi insaan taq puhanche aur is pegham ke iwaz kuch nahi liya jaye ke yeh pegham sab ke liye muft hai .

Yeh pegham ( audio ) kaayinaat ka sab se bara rydham hai jise aankhyain band kar ke sunnay se insaan har trhan ki beemari se nijaat pa laita hai .

Har kisi ko yeh pegham sunney ki ijazat hai. Is ke sunne ka tareeqa yun hai : Isay saat din, teen baar rozana, subah dopehar aur shaam sonay se pehlay ankhen band kar ke suna jata hai, audio mukammal suneney ke baad ankhen kholeen, haath mein aadha gilaas pani lain aur dobarah ankhen band karen. Kisi bhi mazhab ko nah maan-ne walay (apna naam), baqi mazahab ke log -apne -apne (khaaliq haqeeqi ka naam) dil main teen baar pyar se parhyain aur ankhen band rakhtay hue is pani ko teen saanson main pii lain. Misaal ke tor par Christian mazhab ke log Isa (AS) ka tasawur baandhein ge aur dil main teen baar ( Isa, Isa, Isa ) kahin aur baqi mazahab ke log isi terhan -apne -apne mazhab ke mutabiq dil main -apne kkhuda ka naam lyain .

Ayain is pegham kay zariye insaaniyat ko bechayen, sisaktay bilaktey aur tarapty logon ke dilon aur roohon ko sukoon baantyain .

Yeh pegham, yeh audio har is ensaan ke liye hai jis taq yeh poanch gayi hai aur is ka suneney ki koi qeemat nahi hai. Is audio ko sunyain aur meharbani farma kar is pegham ko agay philayin.

( Waris-e- Qalandar , Syed Baba Jee )