Mrs H

Assalam O Alaikum Baba Jee, shuru main kuch meri aap se milnay se pehlay ki zindagi aur baad main Qalandar Pak(RA) ke Muajzaat ke baari mein batana chaahun gi. Mein aik chhootey se gaon mein peda hui jo ke airport se taqreeban 3 kilometer dur hai. mere walidain fatory main kaam karne walay mazdoor log thay aur main chaar bhaiyon ki ekloti behan hon. Bachpan itna taizi se guzra ke mujhe pata tak nahi chala kyunkay mein khelon mein hissa lainay ki Bohat shoqeen thi aur khail khail main hi waqt ka pata nahi chala. Main ny hair dresser ban'nay ke liye collage main taleem mukammal ki, Athara saal ki Umar main shadi ki aur meri do Bohat pyari betiyan peda huin. Afsos ki baat ke meri azwaji zindagi shuru din se aik azaab thi. Main apni pachees saal ki Umar se kabhi khush nahi ho payi thi. apni shadi ke bees saal baad main ny Talaq le li. jab mein ny shohar ko chorra to mere haath mein sirf aik kapron ka thela aur betiyan sath theen. is ke ilawa sab kuch mujhe wahein chhorna para. apni Umar ke chobees saal se mein teen aur chaar jagah kaam karti rahi, kayi flat sajaye aur meri zindagi kaam karne aur mushkilaat ka saamna karne mein hi guzarti gayi. main -apne andar kabhi khush nahi hui aur nah hi kabhi mujhe aaraam karne ka mauqa mila .

Umar ke chalees saal tak main ne Bohat mushkil waqt dekha jis main depration, pehlay shohar se musalsal larai aur roz marrah ki mushkilaat shaamil theen. bachon ko paalne mein waqt nikalta raha aur mere walidain dono bohat jald is duniya se chalay gaye dono ki tadfeen ki rasam aik hi saal main hui. un dinon zindagi main khush hona mumkin hi nahi tha. phir aik waqt ke baad meri zindagi mein mohabbat aayi jab meri mulaqaat mere dosray shohar se hui. is ke baad roz marrah ki zindagi ne hamein chain nahi lainay diya, kabhi paison ka masla aur kabhi bemari ka saamna raha. main ne anthak mehnat ki aur aik waqt ke baad apni jaye paidaiesh ke paas hi -apne ghar ki taamer shuru kar di. ab yahan bhi khushy nahi mili ke khush qismati hum par nahi muskarayi. jis company ne ghar ki taamer karni thi is ne dhoka day diya aur mera taqreeban aik million check crown le kar bhaag gayi. jis se main qarzon main ghir gayi. zehni tor par is baat ka saamna karne ko tayyar nahi thi aur bemaar ho gayi, mere pattay ka operation hwa aur inhen woh nikalna hi para. is operation ke baad jab hamein aisa laga ke sab sukoon main hoga to aik aur barri museebat ka saamna karna prgya. pachaas saal ki Umar main dr ne mujhe kaha ke mere gurday main cancer hai. mere asaab bilkul jawab day gaye .

Saari umar mere ird gird log rahay aur main ne un sab se be hadd mohabbat ki aur muskorahatein bantin. mera beauty parlor mera shoq bhi hai. main ne aelo pathik se hatt kr logon ke ilaaj ki taleem bhi li jis ki wajah se hamesha bohat se logon se millti rehti thi. aik din meri aik customer ne mujhe aik cd di aur thora is ke baare main bataya. main ne is cd ko aik saal ke liye daraaz main rakh diya. mujhe phir is si d ka khayaal apni bemari main aaya jab mere cancer ke operation main aik maheena reh gaya tha. main ne usay sunna shuru kya aur dosray hi din is cd ke cover par darj number par rabita kya jo ke Shahid ka number tha .

Shahid ne mujhe kaha ke suntay waqt dhyan se sunoon aur saat roz sunney ke baad is se mulaqaat ho Qalandar Pak (RA) ka pegham suntay, pehlay hi lamhay se mera dil jaisay bahar aana chahta tha aik na qabil bayan ehsas tha jis main zor, roshni, sukoon aur music tha jo ke sab aik sath mere jism aur rooh se gzr gya. Saat roz ke baad jaisay main ne aik nai zindagi main pehla saans liya. Qalandar Pak (RA) ka pegham saat din suneney ke baad Shahid mujh se milnay aaya aur mjhe bohat si baton ki wazahat karna shuru ki. is be chaaray ko jaisay aik naya kaam mil gaya ho kyunkay mere paas salawon ki aik Bohat hi lambi fehrist mojood thi. is ke baad har roz is se mulaqaat thi aur salawon ke jawabaat aur un jawabaat ki wazahat thi. mujhe aik waqt ke baad is baat ka ehsas hwa ke mera ustaad hai kon aur mere liye woh kitna ahem hai. is ka be hadd aetmaad, pyar, aur sabr jo main ne kabhi apni poori zindagi main nahi dekha tha. khaas tor par is ka herat angaiz hadd taq pursukoon hona mere liye aik nai baat thi jaisay woh mujhe kayi Haseen khulay darwazon main daakhil kar raha ho. mera bilkul dil nahi tha ke operation krwaon kyunkay main -apne andar taaqat aur khush qismati ko mehsoos kar rahi thi. mere andar Qalandar Pak (RA) ka pegham ko suneney aur Shahid se mulakaton ke baad aik nai zindagi shuru ho gayi thi aur main apni zindagi se mutmaen bhi honay lagi thi. Shahid ne mujhe kaha ke ab tumhen operation nahi karwana chahiye, magar yeh faisla tum khud karo. main ne Bohat socha aur aakhir-kaar operation karwa hi liya. kyunkay mere jism main no tumor they jin main aik sab se bara gurday ke andar tha. hospital main pehlay hi din main ne narson aur doctoron ko Qalandar Pak (RA) ka pegham ke baarey main batana shuru kar diya. mera operation ho gaya aur miri tabiyat nasaaz thi magar is ke bawajood Doctor ne mujhe ghar bhaij diya. operation ke teesray din se meri tabiyat kharab rahi. phir Shahid mere paas aaya aur chaar ghantay taq mere bistar ke sath betha raha. is ne Bohat koshish ki ke mujhe uttha sakay magar mere andar zindagi ke nishanaat kam they aur main rukhsat hona chahti thi. Shahid ne Syed Baba Jeeko likha aur un se video call ki. pehli baar main ne jo Baba Jeebhool paon gi., main ne un ke kehnay par woh alfaaz dohraaye jinhon ne mujhe do minute ke andar andar bistar se uttha diya aur Baba Jeene mujhe kaha ke ab tum bilkul tandrost ho gayi ho .

yeh kaisi na qabil yaqeen baat hui ke meri sugar ke ilawa thai raid ka masla bhi hal ho gaya. is ke teen din baad main kaam par wapas mojood thi aur aaj taq -apne paon pr khari hon. yeh woh jo mujhe ataa hwa is shakal main ataa hwa ke mere dil ko dobarah nai zindagi mili hai aur mera khayaal hai ke mere wujood ka aik aik zarra zindah kya gaya hai. yeh baat, yeh ehsas main lafzon main bayan karne se qassar hon ke Qalandar Pak (RA) ka pegham , Baba Jeeaur mere ustaad mujhe har roz subha se shaam taq -apne sath le kar chal rahay hain aur main zindagi un ke bana guzarnay ka soch bhi nahi sakti. mujhe nai zindagi mili, mohabbat mili, main khush rehti hon aur main zindah rehna chahti hon. kuch waqt ke baad mujhe Baba Jeeki duaun main baithna naseeb honay laga jis main se main naay Baba Jeeke baray main janna shuru kya yahan hi se mujhe Qalandar Pak (RA) aur Syed Baba Jeeke shuru waqt ke ahwaal ka bhi ilm hwa. duaun ke silsila naay mujhe shashdar kar diya. meri zindagi main aik danai bharnay kar sath sath -apne aap se jung karne ka sabaq mila. mujhe apni ghalatiyan nazar anay lagi jin par meri kari nazar hai. main Baba Jee ko mehsoos karti hon aur un ke agay hi jhukk kar Salam karti hon ke yeh logon ko sukoon, Aram , aman aur zindagi ka maqsad dete hain. mujhe meri zindagi ka jo maqsad, Qalandar Pak (RA) saari duniya ke logon taq pohanchanay ki shakal main mila hai meri zindagi ki aakhri saans taq jari rahay ga. yeh sab mera khandan hain jin ko main kabhi nahi chhoruun gi. kuch waqt ke baad yahan Czech Republic main kuch larkiyan hamaray sath jur gaiyn jin main meri bhtijyan, lucka Petra aur Shahid ki student klara,Marketa svetlana, Renata shaamil hai jin ki main dil se izzat karti hon kyunkay yeh is baat ko samajh gayeen hain ke Baba Jee kon hain .mujhe is baat ka poora andaza hai ke hum -apne ustaad Shahid ke bana kuch bhi nahi hain. jis naay apni mohabbat aur aajzi ke sath hum sab ko is sachhi raah par dala hai. aaj Shahid meri family ka mumbar hai. hum sab aapas main aksar mlitay hain. aur jab Baba Jee ki dua ho to hamaray liye aik be had khoshi aur be panah anrji latee hai jaisa ke ko yi shafaaf nasha ho. har dua ke baad hum aik anrji ka bomb ban jatay hain, dewanoo ki terhan Qalandar Pak (RA) ka pegham dete jatay hain, naye logon ko mlitay hain aur un ko Baba Jee ke baray main batatay hain aur Qalandar Pak (RA) sun-nay par qaail karte jatay hain. Baba Jee Sooraj ki terhan hain, pakeeza soch hain. meri dua hai ke yeh Qalandar Pak (RA) ka pegham durust logon, mere doston, mere rishta daaron taq puhanche aur un ki zend gaya n bhi aisay hi badlein jaisay meri badli hai. meri apni un saat pyaron ki team ke sath poori koshish hai ke yeh pegham poori duniya ke ziada se ziada logon taq Pahonch jaye. Baba Jee main aap se dil ki geherai se pyar karti hon aur be had shukar guzar hon ke mujhe yeh moujza dekhnay ko mila aur main yahan hamesha aap ki khidmat main haazir hon. mujhe ilm hai ke aap is nasal aur anay wali naslon ke liye Shifa hain. . mere ustaad ka shukriya, Baba Jee ka shukriya aur un sab ka shukriya jo un ke sath juray hain .

Shahid Mahmood

Qalandar Pak (RA) ka pegham be shak tadapti sisakti insaaniyat ke liye aik naveed-e-musarrat hai. Lailaaj aur mayoos logon ke liye roshni ki kiran hai. Halaankeh is pegham main poori kaayenaat ka husn chupaa hai magar yeh aik intehai saada aur be hadd aasaan amal hai jisay koi bhi duniya ka insaan bina kisi mushkil ke karsakta hai. Qalandar Pak (RA)naay usay har terhan ki mehdodiyat se pak rakha hai isi liye Europe mein bhi is pegham naay bina kisi rang o nasal aur mazhab ke imtiaz ke hazaron logon ke dard ko daur karte hue un ke cheharon par muskurahat di hai. Qalandar Pak(RA) ke pegham naay mujhe sochon ke jahannum se nikal kar mere andar kaayenaat ke har kone main basey logon se shadeed mohabbat ki bunyaad daali hai. Kahi sُni baat nahi yeh sach hai ke is pegham naay murda dilon ko nai zindagi ataa ki hai aur logon ko ehsan tareeqay se dosaron se pyar karna sikhaya hai. Aik aam ensaan bhi is pegham ke zariye na sirf khud ko sukoon-e-qalb day sakta hai balkay bina kisi ki ijazat liye dosaron ki bhi madad kar sakta hai. Europe ke dil Czechia main jahan logon naay khauf zada ho kar sab mazahab ko kher bad keh diya hai wahan Qalandar Pak (RA) ke is pegham naay be-chain, tarapte sisaktay insanon ko unhi ki ain soch ke mutabiq aik behtareen kirdaar ki taraf rahnumai ki hai. Pegham ki sachaai, is ke andar chُupi pyar ki chaashni aur musalsal bahtay rehmat ke samandar be-karaan naay logon ke dilon main khud apni jagah banai hai sab Qalandar Pak(RA)ki mouj o karam ke sabab hai.